Fondi për Mbrojtjen e Mjedisit (EKO-FOND) publikon thirrjen publike për ndarjen e burimeve financiare për personat fizikë për zbatimin e masave për përmirësimin e efiçencës energjetike në ndërtesat individuale të banimit dhe njësitë e banimit (apartamentet) në ndërtesat me banim kolektiv.
Buxheti për mbështetjen e personave fizikë në zbatimin e masave për efikasitet energjetik është 5.800.000 €. Shuma maksimale e burimeve financiare të pakthyeshme që mund t'i jepet një përdoruesi të programit është 10.000 €.
Thirrja publike parashikon ndarjen e burimeve financiare për zbatimin e një ose më shumë masave të mëposhtme:
- Vendosja e termoizolimit në fasadën e objektit të banimit
- Vendosja e termoizolimit në strukturën kat i ndërmjetëm (mbi papafingo ose bodrumin e pa ngrohur)
- Instalimi i fasadave strukturale me efikasitet energjetik
- Instalimi i sistemeve moderne të ngrohjes me biomasë
- Instalimi i një sistemi split/multisplit për ngrohjen/ftohjen e objektit
- Instalimi i pompave të nxehtësisë me efikasitet të lartë për ngrohjen e objektit
- Instalimi i sistemeve diellore për ngrohjen e ujit
- Instalimi i sistemeve fotovoltaike për prodhimin e energjisë elektrike për vet-konsum
Personat fizikë që janë pronarë/përdorues të ndërtesave ekzistuese individuale të banimit, si dhe të ndërtesave individuale të banimit në proces legalizimi, mund të aplikojnë për secilën nga masat e sipërpërmendura, ndërsa pronarët/përdoruesit e njësive të banimit (apartamenteve) ekzistuese të ndërtesave kolektive të banimit mund të aplikojnë për masat 3,4,5 dhe 6.
Për masat 4, 5, 6, 7 dhe 8 mund të aplikojnë personat fizikë që janë pronarë të objekteve banesore individuale në ndërtim, ndërsa për masat 4, 5 dhe 6 personat fizikë pronarë të njësive të banimit (apartamenteve) në ndërtim.
Përjashtimisht, për masën 8 mund të aplikojnë vetëm pronarët e ndërtesave individuale të banimit.
Aplikanti që plotëson kushtet sipas këtij konkursi publik, përfiton ofertën për kryerjen e punimeve nga kontraktori i përzgjedhur i kualifikuar. Lista e kontraktorëve të kualifikuar është në dispozicion në faqen e internetit të Eko-Fond: www.eko-fond.co.me
Për informacione më të hollësishme si dhe kriteret që duhet të plotësohen, mund t'i gjeni në:
-Faqen e internetit të Fondit për Mbrojtjen e Mjedisit (EKO-FOND): www.eko-fond.co.me
-Shërbimi për projektet e efiçiencës së energjisë: +382 20 246 420
-E-mail në adresën: info@eko-fond.co.me
-Si dhe mund të paraqiteni pranë ambienteve të Sekretariatit për Veprimtari Komunale dhe Çështje Banesore të Komunës Ulqin.
