27. Qershor 2024.
Me iniciativë të kryetarit të Komunës së Ulqinit Genci Nimanbegu, në prani të kryetares së Kuvendit, Ivana Popoviq dhe bashkëpunëtorëve të tjerë, u mbajt takim me kryetarin e Komunës së Tivarit, Dushan Raiçeviq, Kryetarin e Kuvendit Branislav Neneziq dhe bashkëpunëtorët e tyre.
Ky takim ofroi një mundësi të rëndësishme për shkëmbimin e përvojave dhe shembujve të praktikave të mira ndërmjet menaxhmenteve të dy komunave fqinje, si dhe për forcimin e bashkëpunimit të ndërsjellë.
Temat kryesore të diskutimit ishin puna në projekte dhe aktivitete të përbashkëta që synojnë zgjidhjen e pengesave dhe sfidave të përbashkëta me të cilat ballafaqohen Ulqini dhe Tivari.
Bashkëbiseduesit diskutuan në detaje për çështjet në fushën e infrastrukturës së transportit, turizmit dhe valorizimit të potencialit turistik, me fokus të veçantë në lumin Buna dhe zonën e Liqenit të Shkodrës si pasuri natyrore e ruajtur. Gjithashtu, u ra dakord që të dy komunat të punojnë në forcimin e kapaciteteve të tyre administrative, si dhe u diskutuan mundësitë specifike për përmirësimin e potencialit turistik dhe bashkëpunimit.
Në takim u theksua veçanërisht rëndësia e takimeve të tilla për një lidhje edhe më të fortë mes dy qyteteve që kanë qenë të lidhura fort gjatë historisë. U ra dakord që takime të tilla të bëhen praktikë e rregullt, për të zgjidhur në mënyrë më efikase problemet dhe sfidat e përditshme me të cilat përballen bashkëqytetarët tanë.
