Në Ulqin qëndroi për vizitë Kryetari i Kuvendit të Republikës së Maqedonisë Z.Talat Xhaferi

Delegacioni  nga Maqedonia  u prit nga kryetari i Komunës Z. Nazif Cungu dhe bashkëpunëtorët e tij. Pas një takimi të hapur dhe  vëllazëror  Cungu e Xhaferi dhanë deklarata për gazetarë.

Duke shprehur  kënaqësi të vecantë për realizimin e kësaj vizite , numri një i Ulqinit tha se në takim janë prekur një sërë  temash  në interes të ndërsjelltë Sipas tij marrëdhëniet mes dy shteteve  në nivel të lartë miqësor japin kontribut  ndaj stabilitetit  të përgjithshëm  në rajon dhe  integrimet  euroatlantike .Ai insistoi  në  intensifikimin e  marrëdhënieve  në sferën  ekonomike ,vazhdimin e takimeve të  nivelit  të lartë  duke përfshirë  edhe bashkësinë e  biznesit , nga ku do të  dalin iniciativa   për përmirësimin e  marrëdhënieve  ekonomike.Më tej kryetari i Ulqinit tha se në takim  është konstatuar  se pranimi i Malit të Zi  në NATO , paraqet  shans  të jashtëzakonshëm  për të gjithë rajonin .Ndërkaq Z.Xhaferi duke  vecuar se dy  shtetet i lidhin  marrëdhënie  miqësore pa cështje të hapura , nënvizoi  rëndësinë  e  komunikimit të drejtëpërdrejtë dhe angazhim më të madh  për  avansimin e bashëpunimit ekonomik. Ai nënvizoi se duhet punuar  në vendosjen e bashkëpunimit  të infrastrukturës , sidomos  ripërtrirjen e linjës ajrore  ndërmjet Podgoricës dhe Shkupit dhe rritjes së  bashkëpunimit  në fushën e turizmit. Z. Xhaferi  uroi  për anëtarësimin e plotfuqishëm  të Malit të Zi në NATO me dëshirë që dhe Maqedonia  të bëhet  pjesë e  Aleancës.