Një grup investitorësh nga Franca të shoqëruar nga Princ Nikolla Petroviq, janë pritur nga Kryetari i Komunës së Ulqinit Nazif Cungu dhe bashkëpunëtorët e tij. Ata kanë treguar interesimin për të investuar në fushën e turizmit me impakte të mëdha ekonomike dhe në punësim. Zyrtarët komunal i kanë shoqëruar investitorët në Plazhin e madh, me ç rast u prezantua një hapsirë me sipërfaqe 100 mijë m katrorë, e paraparë me plan për këtë fushë. Investitorët kanë mbetur tejet të kënaqur me ambientin e vizituar dhe kanë insistuar ne përshpejtimin e procedurës. Në shoqërinë e investitorëve ishin dhe përfaqësuesit e NP ,,Të mirat detare". Përfundimisht, u dakordua që Komuna të ndërmjetësojë që Ministria e turizmit të hapë konkursin ideorë rreth këtij projekti gjigand ku do të merreshin në konsidetatë dhe propozimet e investitorëve. Kryetari Cungu i falenderoi investitorët dhe u siguroi mbështetjen e Komunës në këtë proces.
27. Shtator 2016.